Sa Disyembre 12 natalana ang pinaka una nga Provincial Joint Security Control Center meeting sang Negros Occidental sa idalom sang Negros Island Region.
Suno kay COMELEC-NIR Regional Director Lionel Marco Castillano, maga tambong siya sa amo nga pagsinapol.
Sini lamang nagpahayag ang Department of the Interior and Local Government nga may gina lantaw sila nga 37 ka posible hot spots sa 2025 nga piniliay.
Suno kay Castillano lipod pa ini sa iya nga ihibalo kun ano nga mga lugar ang nadala.
Talakayon suno sa iya ang sitwasyon sang probinsya may kaangtanan sa 2025 elections sa PJSCC.
Sa Enero natalana ang pinaka una man nga Regional Joint Security Control Center meeting kag sa karon may naga kaigo pa nga tion sa pag assess sang election situation sang NIR suno kay Castillano.
Naka tigayon na siya sapol sa Siquijor kag Negros Oriental.
Kun may mga areas of concern man ukon possible hot spots ini ang iga recommend sa RJSCC kag ini ang ipatuhoy sa intel kag operations man sang PNP kag militar.
May nagakaigo nga proseso antes nga ma approve kag makabig hot spot ukon election area of concern.
“Ang RJSCC I think by January na ako mag meeting before the start of the election period. As of now, ang ginagawa ko I am attending the PJSCC. Naa ko sa Negros Oriental. Yesterday I was in Siquijor. The first PJSCC in Negros Occidental this coming December 12, which I will also be attending that would give me enough time to assess the situation sa NIR para dun sa RJSCC. Pag meet namin may idea na ako sa peace and order situation”, suno kay Castillano.