Shadow

Pinakamatahum nga McDonald’s sa Pilipinas ipatukod sa the Upper East sa Bacolod

Kun mag labay ka sa the Upper East Avenue, agaw atensyon ining nakasulat nga the most beautiful is coming here soon nga mga tinaga…Diri igatukod sang megaworld ang isa na naman ka McDonald’s nga branch.

Maga tindog ini sa 2,200 square meter nga parte sang 34 hectare nga township sang property giant.

Suno sa kay Harold Geronimo, ang senior assistant vice president kag head sang public relations and mdia affair sang MegaWorld, isa na naman ini ka destination branch sang McDo.

Bu-ot silingon indi lang pagkaon ang kadtuan sang tawo diri kundi mangin isa man ini ka tourist destination.

Ini ang may pinaka malapad nga al fresco dining sa Visayas. Diri man ipahamtang ang historic kag century old nga bagon sang Bacolod Murcia Milling Company.

May garden, tulip shaped lighted flowers.

May collab room ang ini nga branch sangMcDonald’s ukon ang kasubong sang conference room nga may mga pasilidad para sa meetings – pinaka una nga branch sa Visayas kag Mindanao nga may amo sini nga facility.

Biker friendly man ini, pwede bike and dine kay maybike repair station.

Makita man diri ang NextGen facility ukon ang self ordering kiosks kun sa diin pwede na ang cashless nga transaction.

May seprado man ini nga mc cafe nga may wireless charging facilities.

Kag may side by side ukon double lane nga drive thru.

Maga dala man ini sang dugang nga trabaho sa Bacolod. Suno sa kay Eugene Reducindo, managing director sang Choice Gourmet Banquet Inc, ang kumpanya nga naga padalagan sang mga mga McDonald’s nga franchise sang MegaWorld, subong pa lang, naga sugod na sila sa pag hire sang crew kag managers.

Sa mga luyag mag apply mahimo makig angut lang sa ila nga Forbes Hill nga branch.

Isa sa mga highlights sang sini nga branch sang McDo ang higante nga masskara nga himuon sang kilala nga mask maker nga si Jojo Vito kag ang ini nga branch gina paabot nga maga bukas sa Masskara Festival!

Secured By miniOrangeSecured By miniOrange