Wednesday, November 18

Pinakadako nga pickleball tournament sa NIR hiwaton sa Bacolod

Wala pa maisahan ka oras nga nagbukas ang registration sang Pickleball Invasion masobra na sa isa ka libo ka mga players ang nag parehistro.

May 18 ka mga divisions sa amo nga kompetisyon lakip na ang category sang mga Beginners, Novice, Intermediate, Open, 50 plus Open, 60 Plus Open, Men's single, kag youth categories.

May mga limited registration slots na ang tanan nga categories magluwas nalang sa Beginners kag Novice. Sa duha ka category, pilian paagi sa spin the wheel ang mga players nga makakuha sang playing slots samtang ang ibalik naman sa mga registrants nga wala makasulod ang ila nga registration fee.

Sa kabug-osan, yara sa 586 ka mga players ang opisyal nga mangin kabahin sang amo nga kompetisyon. Yara sa 2.35 million pesos ang prize pool para sa amo nga kompetisyon suno sa Tournament Director nga si Crystal Canillo.

Mangin dinapit man nga bisita sa amo nga kompetisyon Quang Duong, isa ka Vietnamese-American Professional Pickleball player nga ginakabig man nga Asia's number 1 player.

Ang Off Court nga pickleball court sa Lizares Street Extension ang mangin playing venue sang kompetisyon nga ginapangunahan sang Unilab kag Grace Pharmacy sumugod sa Disyembre 4 tubtob 6.

[sibwp_form id=1]
Secured By miniOrangeSecured By miniOrange