Isa sa mga gina lantaw nga pagpanghangkat sa gina duso nga Negros Island Region amo ang budgetary question.
Ini suno kay 3rd District Representative Jose Francisco Benitez nga nagsiling man nga wala siya sang may nakita nga “real expectation of resistance” gikan sa provincial heads sang Cebu kag Iloilo para sa amo nga hagna.
“The biggest obstacle and hurdle really for the NIR is a budgetary question. And the budgetary question in turn is a question of how you face the implementation over time. So tan-awon ta kun ano ang himuon sang kongreso hinali mag angal ang DBM kay wala sila kwarta. Pero te ang ila horizon sang expectation nila kada duha man lang ka tuig. Bi-annual ang ila nga planning,” suno kay Benitez.
Kun may resistance man mahimo nga ini ang gikan sa mga Regional Development Council pero bisan pa ini ang tigayon nga ma manage.
Suno kay Benitez, sa karon ang technical working group nga naga talakay sang NIR ang naga hulat sang policy paper gikan sa mga gobernador sang Negros Occidental kag Oriental kag Siquijor.
May ginalantaw man nga pag kambyo sa liderato sa Negros Oriental kasunod sang pag proclaim sang Comelec kay Roel Degamo bilang gobernador nagapati si Benitez kasubong man si Governor Eugenio Jose Lacson nga indi ini maka apekto sa hagna bangud damlag pa gina suportahan man ni Degamo ang amo nga tikang.
“You must also remember Governor Degamo was also with us”, suno kay Lacson.