Iga recommend sang Provincial Incident Management Team kay Negros Occidental Governor Eugenio Jose Lacson nga indi pag i-lift ang negative RT PCR test result requirement sa mga maga sulod sa probinsya.
Sa isa ka pagsinapol kahapon, unanimous ang nangin desisyon sang PIMT sa recommendation sini nga maga pabilin ang negative RT PCR test result requirement sa tanan nga maga sulod sa Negros Occidental gikan sa areas nga yara sa alert level 3.
Suno kay Provincial Health Officer Dr Ernell Tumimbang, tuyo sang amo nga lihok nga mapangapinan ang mga pumuluyo gikan sa threat sang virus. Dugang pa niya, maayo na lang nga makalikaw na nga daan bangud mabudlay ang magpangita sang infected kun ini ang makasulod na sa probinsya.
Ginapaabot ang pag pa gwa sang executive order ni mayor Bing Leonardia sang pag lift sang negative RT PCR test requirment sa mga gikan sa Iloilo.
Ang puerto ang yara sa jurisdiction sang Bacolod. Sa pihak nga bahin, sa record sang PIMT, 246 ang new cases sang Negros Occidental as of January 20. 1,521 naman ang active cases.