Matapos ang engkwentro sa banwa sang Cauayan, Negros Occidental, isa ka pilason nga gin-alegar miyembro sang New People’s Army ang nakit-an kag gin-rescue sang katapo sang 15th Infantry Battalion sa Barangay Poblacion, Cauayan.
Suno sa report sang Army, sa tion sang clearing operation pila ka oras matapos ang engkwentro, may ginsundan ang mga soldado nga mga tulo-tulo sang dugo halin sa encounter site padulong sa isa ka balay, kun diin ila nakit-an nga naga-isahanon kag pilason si alyas “Joey”, 21-anyos, taga Sipalay City.
Base sa impormasyon nga nakuha sang militar, mga isa na ka tuig nga nagbiya si alyas “Joey” sa iya pamilya.
May igo sang bala sa iya pa-a kag alatrasan si alyas “Joey” kag may minor hip injury.
Gindala sang mga soldado ang pilason sa Isio District Hospital antes siya ang ginsaylo sa Kabankalan District Hospital, kun diin nagpaidalum ini sa minor surgical procedures.
Sang mangin estable na ang iya kondisyon, siya ang ginturn-over sa Philippine National Police para sa documentation kag custodial processing.*
[sibwp_form id=1]