Daw box office hit sa gihapon ng pilahay para sa voters registration sang Comelec sa Bacolod. Halin sa La Salle Avenue pakadto sa Doctors Hospital ang pilahay.
Si Rebecca tumandok sang Murcia, pito na siya ka tuig nga naga puyo sa Bacolod. Las singko pa lang kaagahon nagpila na siya sa gwa sang University Of St. La Salle Bacolod.
Ugaling wala siya dala nga ID.
Ang ini nga grupo sang mga taga Taculing, las dose pa lang sang kagab-ihan ari na diri naga pila. Wala na tulugay.
Ang ini ng babaye, las dose man sang kagab-ihon nag pila. Halin kuno sa Cabug, luyag niya nga masaylo na sa Felisa kay kabudlay mag giho nga ang mga dokumento niya wala naga sinanto
Ang ini nga mga hubenes naman taga Barangay Handumanan. Wala sila maka hibalo nga extended ang registration. Las otso pa lang sang kagabi ari na sila sa pila. May bitbit pa sila nga placard nga naga pangayo pakaon kay wala pa sila ka panyapon kag naka pamahaw.
Ang ini nga mga babaye nag lantaw na lang sang movie sa cellphone samtang naga hulat sa pila.
Sa kilid sang Quan nag punsok ang mga naga laum nga maka sulod pa sa five hundred nga limit sang Comelec. Bisan extended ang registration luyag nila nga matapos na lang ini subong nga adlaw.
Iban sa ila tatlo na ka adlaw nga naga balik balik.
Ang iban naga reklamo kun ngaa ang iban naga pila na bisan pa may curfew. Ang iban may naga pila na nga daan para sa ila.
Subong nga adlaw dapat kun tani ang last day sang registration pero gin extend ini sang Comelec. Liwat maga bukas ang registration humalin oktubre onse tubtob treinta.