Nagkalatumba ang mga steel barriers nga yara sa intersection sang dalan Lacson kag 6th Street sa Bacolod City, matapos gin-arado sang pick up truck, pasado las tres kaina sang kaagahon.
Ginamaneho ang salakyan ni alyas “Nonel”, 36-anyos, taga Pototan sa Iloilo.
Nag-gwa sa imbestigasyon nga gikan sa isa ka bar sa Barangay Mandalagan ang driver kag padulong sa sur sang Lacson Street.
Gin-alegar nga nadulaan sang kontrol ang driver kag nag-igo sa mga steel barrier sa dalan.
Sa karon, gin-impound ang nasambit nga pick up truck.*