Provincial Health Office sang Negros Oriental maga augment sa mga LGU sa probinsya nga mahinay ang vaccine rollout agud mapadasig ang pag lab-ot sa target population
Sa pinaka ulihi nga datos sang Negros Oriental PHO, yara pa lang karon sa masobra 11% ka mga residente sang probinsya ang nabakunahan kontra Covid-19 kag madako pa ang lalagson sang probinsya agud malab-ot ang target population.
Gani suno kay Dr Liland Estacion sang PHO, ang ila team amo na mismo ang maga padulong sa mga lgus nga may manubo pa nga vaccination rate agud ma fast track ang vaccination sa probinsya.
Magapadayon man sa gihapon ang mega vaccinations sang PHO sa Dumaguete City suno kay Estacion.
Samtang, padayon naman ang pag abot sang Covid-19 vaccines sa Dumaguete City nga karon may 24,138 ka residente na ang mga nabakunahan.
Nag abot sang Lunes kag kahapon sa siudad ang 11,500 doses tanan sang Covid-19 vaccine gikan sa national government.
May 63 new cases kahapon sa bug-os nga Negros Oriental. 379 karon ang active cases sa probinsya.