Sa bulan sang Hunyo ginalantaw sang Negros Occidental nga malab-ot ang target sini nga mabakunahan.
Suno sa Provincial Health Office, tigaylo sang four day vaccination drive, gina duso na nila nga ini ang patigayunon sa kada Hwebes kag Biyernes sang bilog nga bulan sang hunyo magluwas lamang sa ulihi nga semana.
Suno kay Dr Ernell Tumimbang, ini natungod nga ang last Thursday kag Friday sang June ang damlag pa na pain na para sa pag bakuna sang mga kabataan sa idalom sang Expanded Program on Immunization ukon EPI, gani sa ulihi nga semana, ang Covid vaccination sa Lunes kag Martes na patigayunon.
Sa EPI may mga 15,000 ka mga kabataan ang dapat mabakunahan.
Samtang, masobra sa 2.1 million ang target nga mabakunahan sang Negros Occidental, ukon 80 percent sang bilog nga populasyon sini Covid vaccine.
Suno sa PHO, ang masobra sa 666,000 nga nabilin nga wala pa mabakunahan amo ang tuyo nga malambot sa bulan sang Hunyo.