Maid-id nga gina monitor karon sang Provincial Health Office ang pagsaka sang kaso sang Covid-19 sa mga kaiping nga probinsya labi na ang sa Ioilo.
Suno kay Dr Ernell Tumimbang ang Provincial Health Officer “wait and see” pa ang sitwasyon kag ang monitoring ang gina patigayon sa matag-adlaw.
Pero kun kinahanglan gid, ini ang talakayon nila kag sarang nga mag recommend sang border control labi na karon nga bukas ang mga border.
Sa airport sa Silay na lamang suno kay Tumimbang gina patigayon ang swabbing sa mga unvaccinated.
Sa DOH nga datus sang Hulyo 7, 59 ang new cases nga na-record sang Iloilo City, 40 naman ang iya sang Ioilo province, kag 15 ang Capiz. Ang nabilin tig single digit ang new cases, lakip na ang Negros Occidental nga may 2 cases kag Bacolod City 7 cases. Ini mga local cases.
Paathag ni Tumimbang ang gina patuman karon nga guidelines, amo nga kun fully vaccinated kag nakitaan sang sintoma sang Covid-19, ini sila ang gina pa home quarantine sa sulod na lamang sang lima ka adlaw kag wala na gina paidalom sa swabbing magluwas na lamang kun nag seryoso ang kahimtangan kag naga kinahanglan sang medical attention.