Shadow

PHO naga hulat sang go signal nga gamiton ang expired vaccines

CAAP Bacolod-PIO photo

Naga hulat lamang ang Provincial Health Office sang go signal para sa pag gamit sang nag expire nga AstraZeneca vaccines.

Ini suno kay Provincial Health Officer Dr Ernell Tumimbang kasunod sang abiso ni Sec Carlito Galvez ang National Task Force Against Covid-19 chief implementer nga sarang ma extend ang shelf life sang nag expire nga bakuna sa tubton anum ka bulan.

Suno kay Tumimbang, naga pabilin sa cold storage facility sang probinsya ang nag expire nga 14,620 ka AstraZeneca vaccines.

Ini ang kabahin sang nag abot nga mga bakuna sang November 8, 2021 kag wala napaubos antes sang expiry date sini nga November 30,2021.

Samtang, padayon ang pagbakuna sa probinsya angut sa National Vaccination Days. Nag padala sang vaccinators ang probinsya sa Kabankalan, San Carlos City, Bago City kag Cauayan.

Nagbaton naman sang tig duha ka kilo nga bugas ang mga nag pabakuna sa sini nga LGU.

Secured By miniOrangeSecured By miniOrange