Ang tagsa ka banwa kag siudad amo ang may mandato sa pag monitor sang tagsa ka water refilling station lakip na water sources sini.
Paathag ni Dr Ernell Tumimbang, sa idalom ini sang responsibilidad sang tagsa ka Local Government Unit labi na nga sila ang naga hatag sang permit para mag operate ini.
Karon nga may pagsaka sa kaso sang gastroenteritis base man sa report sang Department of Health, suno kay Tumimbang dapat mangin aktibo ang tagsa ka banwa kag siudad sa pag monitor sang water sources kasubong sang mga deep well.
Dapat maga patigayon gid sang inspection. Pero, klaro ni Tumimbang, sa mga banwa kag siudad nga may mga naga operate nga water refilling station, ang regular nga checking sang tubig ang kabahin na sa requirement paagi sa pag submit sang regular nga laboratory result.
Ang kabudlayan lang kay wala man ang mga LGU sang kapasidad sa amo nga test kag may mga laboratory nga amo lang ang makapatigayon sini.