Padayon ang paghaylo sang Provincial Health Office sa mga pumuluyo nga magparehistro na para sa bakuna kontra Covid-19.
Suno kay Dr Jessica Fama ang medical specialist 3 sang Provincial Health Office, isa sa mga pagpanghangkat nga ila gina atubang amo ang pag pangduha duha sang mga pumuluyo sa bakuna.
Suno kay Fama, madamo abi sang mga fake news ilabi na sa social media angut sa Covid-19 vaccines nga indi ma negar naga tuga sang pagpangduha duha sa mga pumuluyo.
Wala labot sini gina pasa pasahan pa. Dapat suno kay fama mahangpan ang benepisyo nga ginadala sang bakuna indi lamang sa mga gina bakunahan kundi pati man ang
Pagpangapin nga ginadala sini sa mga ginasugata ukon mga kaupod sa palibot. Abiso sang PHO dapat sa mga lehitimo lamang nga sources magkuha sang impormasyon kasubong sang Department of Health kag bisan sa local government unit.
As of May 25, sa 49, 986 ka bakuna nga nag abot sa Negros Occidental, 39, 673 ang na utilize ukon na dapat na sa mga pumuluyo.