Provincial Health Office ang naga abiso sa publiko nga dapat mag hydrate ukon mag inom sang tubig karon nga tuman ang init.Suno kay Provincial Health Officer, Dr Girlie Pinongan, mag-inom dapat sang madamo nga tubig.
Karon nga naga saka ang heat index tubtob sa 41 degrees celsius dapat man nga mag mangin mabinantayon sa mga sintoma sang heat stroke.”Indi ta dulaon ang aton nga tubi.
Kinahanglan ma inom kita sang plenty of water subong kay pwerte gid kainit. Hydration ang amon gina advise”, suno kay Pinongan.Mas maayo nga dapat i-monitor man ang blood pressure labi na sa mga may edad ukon medical history. Kun may mga nakita na nga sintoma indi mag duha-duha nga mag pa konsulta.
Sa karon wala pa man sang report angut sa mga kaso sang heat stroke suno kay Pinongan. Nalakip man sa pahanumdom sang PHO sa publiko ang paghalong sa mga water borne diseases lakip na kun may water shortage, dapat ini nga i-report.”Ang advisory sang PHO, nag send out kami advisory sa mga LGU and also to the general public nga kinahanglan ma report sila kun may shortage sila sang water kay may mga diseases nga mag gwa man because indi tinlo ang mga tubi ang mga sources naton or diutay ang mga tubi ta subong nga naga gwa”, suno kay Pinongan.
Ipasiguro naman nga matinlo kag maayo ang pag handa sang pagkaon. Indi malikawan ang madasig nga pag pan-os sang pagkaon kun mainit ang panahon.Padayon ang monitoring sang probinsya sa mga masakit dala sang mahigko nga tubig ukon pagkaon kaangay sang cholera, typhoid kag acute bloody diarrhea.
Sa January 1 to March 2 nga report sang PHO may 36 ka reported bloody diarrhea cases kag isa ang patay.