Mataas man ang kaso sang dengue kun ipaanggid sa recorded cases sang nagligad nga tuig, pero suno sa Provincial Health Office may nakit-an na sila nga pagnubo kun ipaanggid sa mga nagliligad nga semana.
Sa July 23 nga report sang PHO, 296 ang na record nga bag-o nga kaso sang dengue sa probinsya.
Mas nag nubo ini kun ipaangid sa nagligad nga semana ukon sa July 16 nga report nga may 230 new cases.
Suno kay Dr Jessica Fama sang PHO mahimo ini ang bunga sang mas ginpasupog nila nga kampanya sa mga komunidad para mapamatukan ang dengue.
Sa karon ang top ten nga mga LGU nga may pinaka mataas nga kaso sang dengue ang ila nga gina tutukan kag gina patuman ang Sabayang 4,5 ukon ang pag patuman sang 4s kadungan sang deployment sang lima ka team sa pagpasiguro sang lubos nga katumanan sang kampanya.
May indi magnubo sa napulo ka mga LGU ang nagpatuman sang fogging suno kay Fama kag amat-amat ang pag activate sang mga dengue task force sa kada LGU.
Humalin sang Enero tubtob Hulyo 23, 2,674 ang dengue case sang probinsya, 890.73 percent ini nga mas mataas kun ipaangid sa 2021.