Importante nga mapatuman ang close monitoring ilabi na karon nga may kumpirmado nga Omicron sub-variant sa Iloilo City.
Ini suno kay Provincial Health Officer Dr Ernell Tumimbang labi na nga suno sa iya kaiping man lamang sang probinsya ang Iloilo.
Paathag ni Tumimbang indi man kinahangalan nga mag sira sang border ang Negros Occidental, pero kay ligwa na karon ang pag biyahe kag wala naman sang swabbing nga gina patuman labi na sa puerto sa Bacolod importante ang pagpatuman sang maid-id na monitoring.
Suno sa PHO ang tanan nga sub variants ang gina monitor gid man nila. Damlag pa ginsiling man ni Negros Occidental Governor Eugenio Jose Lacson nga wala sang tuyo ang probinsya nga mag close sang border sini.
Nagapati ang gobernador nga mild ang igo sang amo subvariant. Naga pabilin man nga manubo ang occupancy rate sang mga ospital sa probinsya.
Sa karon, may dose ka mga active cases ang Negros Occidental sa May 18 nga report sang Provincial Incident Management Team.