Gina hulat pa sang probinsya ang resulta gikan sa Research Institute for Tropical Medicine angut sa gina monitor nga suspected pertussis case. Sa tunga sini ginahaylo ang pag gamit sang face mask bilang dugang nga proteksyon.
Suno kay Dr Girlie Pinongan ang Provincial Health Officer, isa ka duha ka bulan nga lapsag nga na admit sa Corazon Locsin Montelibano Memorial Regional Hospital sa Bacolod ang ila nga gina monitor. Suno kay Pinongan nag ayo naman ang kondisyon sang bata. Naga panugyan si Pinongan sa publiko nga magbantay sang pag-ubo labi na sa mga kabataan labi na kun makit-an nga may kabudlayan sa pag ginhawa. Ang makitaan sang kasubong nga sintoma mas maayo gid suno sa iya nga mag pakonsulta. Gina duso ang immunization sa mga kabataan. Suno kay Pinongan dala sang COVID-19 pandemic may yara sang yadtong napaslawan nga mag pabakuna. Isa pa man lang ang reported nga suspected pertussis case pero dapat nga magbantay kay sa mga kaiping nga lugar may mga kaso na sang pertussis. Ang Iloilo City nga sa tabok lamang sang probinsya ang nagdeklara na sang outbreak.
“Pasalamat ta nga isa pa man lang reported ta, pero watch out gid kita kay sa aton mga neighboring provinces may ara na. Ga ano gid kami subong nga wear mask especially for those nga ga cough, even sa aton mga balay, indi ta na mapunggan. Ang mga handwashing ta kay droplets ni siya”, suno kay Pinongan.