Provincial Health Office ang naga panawagan sa mga banwa kag siudad sa probinsya nga dapat magporma na ukon mag activate sang Dengue Task Force.
Suno kay Provincial Health Officer Dr Ernell Tumimbang, ang Dengue Task Force ang gina pamunuan sang local chief executive. Mayoriya pa sa mga kabanwahanan kag siudad sa probinsya ang wala pa maka active sang ila nga Dengue Task Force suno kay Tumimbang.
Labing importante ang papel sang Dengue Task Force bangud ini amo ang naga sabat kag naga buhat sang tikang angut sa away kontra dengue. Unahon sang probinsya tutukan ang mga LGU nga may mataas nga kaso sang dengue nga naga lakip sang Himamaylan, Kabankalan, La Carlota, Hinigaran kag San Carlos.
Pagasugdan nila ini sang mga rekurida, pagpanagtag sang larvicide kag pagduso sang 4S nga nagalakip sa pag pangita kag pag guba sang mga breeding places sang lamok. Ang fogging naman ang gina patigayon sa mga lugar nga malapit na sa epidemic threshold.
Ang Negros Occidental ang may pinaka mataas nga gin report nga new cases sa Western Visayas sa datus sang DOH sa July 2 nga report sini.
2,036 ang dengue cases sang probinsya humalin Enero, sa July 9 nga report kag 10 naman ang napatay.