Wala sang ash emission nga na-record kahapon ang PHIVOLCS sa bulkan Kanlaon.
Ini ang gina klaro ni resident volcanologist, Mari-Andylene Quintia kasunod sang pila ka mga social media post nga ila na monitor nga may yara sang ash emission nga nakit-an sa crater sang bulkan.
Suno kay Quintia mabaskog ang degassing ukon ang pag pa gwa sang puti nga steam gikan sa bulkan nga may upod nga iban pa gid nga sahi sang gas, pero wala sang may natabo nga ash emission.
Sa pihak nga bahin gin klaro man ni Quintia nga ang superheated plume nga gin-emit sang Kanlaon sadtong Enero 28 ang isa ka common occurence.
Ang superheated plume ukon gas nagapatimaan nga ang magma naga intrude kag nagahulat sa idalom sang edifice.
Gin post nila ang video sang superheated plume bilang pahanumdom nga bisan pa may mga short-term decrease sa activity, wala pa nahuman ang unrest sang bulkan kag posible ang major eruption sa long-term suno kay Quintia.
Wala pa na establish suno sa iya nga ang superheated plume isa ka precursor.
Ang volcanic earthquake swarms, gulpi nga increase ukon decrease sa sulfur dioxide emissions kag ground deformation ang mga primary basis bilang precursor sa eruption.
Sa 24 hour bulletin sang bulkan Kanlaon may lima ka mga volcanic earthquakes ang na-record.
2,020 naman ka tonelada sang sulfur dioxide flux ang na-record sang January 29.
Voice of Mari-Andylene Quintia – resident volcanologist, Kanlaon Observatory, La Carlota
[sibwp_form id=1]