Indi man mapat-od sang Philippine Institute of Volcanology and seismology kun ano pa kadamo sang volcanic deposit ang yara sa naibabaw nga bahin sang bulkan Kanlaon matapos nga maglupok ini.
Suno kay resident volcanologist, Mari-Andylene Quintia sang Kanlaon Observatory sa La Carlota City, wala gina tugot ang pag sulod sa 4 km permanent danger zone sa posibilidad sang phreatic eruption rason nga sa mga malapit man lamang sila nga mga areas nagapatigayon man sang ila nga monitoring.
Mas maayo suno kay Quintia ang pag pa iway anay sang cloud seeding operation sa Negros Occidental bangud indi man ma punggan kun mag tupa ang panganod nga magadala sang ulan malapit sa bulkan.
“Kay basi ang clouds ma develop siya diri sa may bulkan na part and kun sediments pa kita didto na bilin pwede man siya ma wash off”, suno kay Quintia.
Ang damlag pa na eksperiensya nga lahar flow sa Biak na Bato kag iban nga bahin sang kaiping nga mga lugar sang La Castellana ang tuga sang pag anod sang mabunok nga ulan sang mga volcanic deposits sa ibabaw nga bahin sang bulkan.
Wala pa man naka pakig-angut si Governor Eugenio Jose Lacson sa ila nga talatapan kasunod man sang pag paiway sang probinsya sang cloud seeding operation.
Naga pabilin sa alert level 2 ang bulkan Kanlaon, nag hagan hagan lamang ang pag tay-og nga na-record pero naga pabilin suno sa PHIVOLCS ang ground deformation kasubong man ang Sulfur Dioxide Flux nga yara sa 2,792 ka tonelada sang Hunyo 12 kag ang plume nga 300 metros ang kataason.