Bangud sang bagyo Basyang, nag pa gwa sang Lahar Advisory ang PHIVOLCS. Mabunok nga ulan ang ginapaabot suno sa PAGASA sa Negros Island Region.
Gani ang kasubong nga sitwasyon ang sarang nga mag tuga sang volcanic sediment flows ukon lahar, muddy stream flows ukon muddy run-off sa mga kasubaan ukon mga drainage area sa palibot sang Kanlaon, suno sa PHIVOLCS. Ini nga bagay ang naga butang sa risgo sang mga malapit nga komunidad.
Mga lugar nga nalakip sa may yara sang risgo amo ang Bago City, La Carlota City, La Castellana, Moises Padilla, San Carlos City sa Negros Occidental kag Canlaon City sa Negros Oriental.
Suno sa PHIVOLCS, ang volcanic mudflows, pwede matabo bangud sang malawig nga pag ulan.
Gina paandaman ang mga pumuluyo kag mga local government units nga dapat mag andam kag mag aligmat sa tanan nga tion para sa seguridad sang tagsa.
Sa banwa sang La Castellana suno kay Remuel Lajo ang Public Information Officer, naga ulan pero indi man mabunok.
Nagpatuman na sang pre-emptive evacuation sa mga pumuluyo nga naga puyo malapit sa kilid sang mga suba.
Gina monitor man nila ang damlag pa mga evacuees nila nga naga puyo sa mga tolda. Ini sila ang evacuees gikan pa sa pag igo sang bagyo Tino sang Nobyembre.
“Kagab-i pa, may mga evacuees kami diri sa Robles gym. Kag ang Coast Guard ready naman. Si Mayor ari man sa munisipyo. Ga contact ko sa babaw sa Biak-na-Bato, wala man nag baha ang creek – ang Bagacay Creek ang balantayan lang namon”, suno kay Lajo.*
[sibwp_form id=1]