Maid-id sa karon nga gina monitor sang PHIVOLCS ang bulkan Kanlaon kasunod sang namutikan nga banaag ukon crater glow. Kun maga padayon ini, nagakasyuran nga ang magma malapit na sa crater.
La 1:30 sang Lunes sang kaagahon, nag pa gwa ang PHIVOLCS sang crater glow ukon banaag notification sang bulkan Kanlaon. Mga las 7 sang gab-i sang Doming, Mayo 10, gin-report sang Kanlaon Volcano Observatory ang crater glow. Bisan mismo mga netizens ang nag-report sini nga nakita nila.
Paathag, ni Ma Antonia Bornas ang Chief sang Volcano Monitoring and Eruption Division sang PHIVOLCS humalin pa sang November 2024 may mga emissions na sang superheated volcanic gas plumes ang Kanlaon sa crater sini. Pero ini ang kitaon lamang sa infra-red kag high resolution camera nila.
Pero kay kitaon na ini karon sa ordinaryo nga mata, isa ini ka development. Sa kaso sang bulkan Mayon ang crater glow ukon banaag precursor sang magmatic eruption.
Suno kay Bornas, gina-monitor nila kun maga padayon ang banaag sa masunod nga mga gab-i. Kun magsige, maga-recommend sila sang pag pasaka sa Alert Level 3.
Ang banaag sang kagab-i sa ila nga obserbasyon ang naga ugdaw. Pero, hugot nila nga gina pahanumdom sang publiko nga mag mangin mabinantayon.
“Hindi po kasi natin ma observe by daytime yan. Sa gabi po, at night time kung ma observe po natin na sustained po yan ang it’s intensifying then we may come up to alert level 3. Yung kagabi po kasi yung observation ng ating observer sa Kanlaon Observatory nag wa-wane po siya, bumabalik, pero nag wa-wane. Hindi sustained. We need to be observing this closely in the next few evenings”, suno kay Bornas.
Dapat naga pabilin nga hilway sa pumuluyo ang 4km permandent danger zone, ang yara naman sa PDC Hazard Zones mangin alerto kag handa enkaso ipatuman ang evacuation.
Ang Office of the Civil Defense may yara sang pre-disaster risk assessment. Suno kay OCD Director, Donato Sermeno, III ini sa pag pasiguro nga naka preposition na ang mga food kag non-food items.
May na plastar naman gid nga daan nga mga tikang kag hilimuon pero suno kay Sermeno luyag nila mapasiguro pa gid ang kahandaan.
Mga 14,765 ka pamilya ukon 73,765 ka individuals ang ma apektuhan kun ipatuman sa 6km ang extended danger zone sa idalom sang Alert level 3.
6,170 ka pamilya diri, ukon 18,890 ka indiviuals ang iga-evacuate. Ini sila ang gikan sa mga barangay sa Bago, La Carlota City, La Castellana, Moises Padilla, Murcia, Pontevedra, San Carlos City kag Canlaon City sa Negros Oriental.
“Mag coordinate gid sa aton mga local government officials, sa LGUs da especially prioritize ta guro ang aton vulnerable sector, mga tigulang, mga bata, sila na unahon naton just in case mag pre-emptive evacuation kita. Ang affected naton sa extended danger zone sa 6km mga 14,000 families pero based on our experience sa aton December 8 nga eruption mga 6,000 da ang masulod sa evacuation centers”, suno kay Sermeno.*
[sibwp_form id=1]