May pagsaka sa volcanic quakes nga na-record sa bulkan Kanlaon. Angut diri PHIVOLCS ang nag pa gwa sang notice of increased seismic activity sang bulkan.
Humalin las 12 sang kaagahon tubtob 11:30 kaina sang aga sini nga Enero 14, may 45 ka volcano-tectonic ukon VT earthquakes ang na record sa bulkan Kanlaon.
Suno kay Mari-Andylene Quintia ang resident volcanologist sang Philippine Institute of Volcanology and Seismology nga nabase sa La Carlota City, 0.6 tubtob 3.9 magnitude ang kabaskugon sang sining mga linog nga na-record, nga ang epicenter kalabanan sa Western side sang bulkan Kanlaon.
Ini nga bahin suno sa iya ang yara sa tunga sang La Carlota City kag Bago City.
Pila ka mga lugar ang naka batyag sang pagtay-og nga naga lakip sang La Carlota City, mga nabukid nga bahin sang Bago City kaangay sang Ilijan kag Mailum, Bacolod City sa Negros Occidental kag Canlaon City sa Negros Oriental. Humalin intensity I tubtob IV ang nabaton nila nga mga report.
Sa Mailum sa Bago City, mga empleyado sang isa ka pribado nga kumpanya ang nag ginuwa gikan sa ila nga mga ulubrahan matapos nga mabatyagan ang pag tay-og.
Paathag ni Quintia, ang mga volcanic quake nagakasayuran nga may yara sang intrusion ukon may yara sang progressive rock fracturing sa idalom sang bulkan samtang nagasaka ang magma ukon magmatic gas sa surface. Gani suno kay Quintia pwede mapa abot ang eruption sang bulkan.
Pero, kun san-o ini ang indi mapat-od suno sa iya. Ehemplo na lamang sang June 2020 suno sa iya nag-record man sang pagsaka sa seismic activity sang bulkan pero June 2024 na kag naglupok ang bulkan.
Dugang pa niya sang tion sang 2025, May 12 nag-record sang increase sa seismic activity pero pag ka May 13 ukon sunod nga adlaw naglupok ang bulkan.
Naga pabilin sa Alert Level 2 ang bulkan ukon sa state of increased unrest.
“Ang mga volcanic quakes naga damo ni siya. Naga signify nga may intrusion or naga saka na naman sa surface ang magma and pwede kita nga mag expect nga ini siya ang mag lead to an eruption. (but kun when? We don’t know) yes.
Pero kinahanglan naton ipa prepare siempre ang aton mga communities nga naga istar lalo sa mga malalapit nga communities sa bulkan kay nahibaluan man naton nga pwede sila ma apektuhan pag nag karon kita sang mga eruption”, suno kay Quintia.*