Ang Philippine Institute of Volcanology ang Seismology ang liwat nag pa gwa sang notice of increased seismic activity sa Bulkan Kanlaon.
Sa advisory sang PHIVOLCS may 72 ka volcano-tectonic ukon VT ang na record humalin las dose kaina sang kaagahon tubtob las 8 kaina sang aga.
Paathag ni Ma Antonia Bornas, ang chief Volcano Monitoring and Eruption Prediction Division sang PHIVOLCS, sa kasubong nga tion sang Setyembre sang nagligad nga tuig may mga kasubong man nga hitabo nga na record pero ini sa pihak nga bahin sang bullkan.
Ang swarm ukon madamo nga VT suno sa iya naga kasayuran nga may yara sang magmatic intrusion sa idalom.
Suno sa PHIVOLCS ang VT gina tuga sang rock fracturing processes.
Kag ang pag saka sini naga patimaan sang padayon nga rock-fracturing sa idalom sang bulkan samtang ang naga saka nga magma ukon magmatic gas nagapangita sang alagyan padulong sa surface.
Sa September 14 nga record ang sulfur dioxide naga average sa 2,338 tonnes/day.
Kun may threat man sang immediate eruption suno kay Bornas mabudlay nga mahambal ini. Pero nagapabilin ang moderate chance of eruption.
Nagapabilin ang alert level 2 sa bulkan kag gina sulit sang PHIVOLCS nga ang 4km permanent danger zone dapat naga pabilin gani wala sang human activity sa amo nga area.
Wala sang evacuation sa 6km danger zone nga gina recommend.
Suno kay Governor Eugenio Jose Lacson, padayon ang probinsya naga pakig-angut sa PHIVOLCS.
Kun enkaso nga may matabo nga evacuation, local funds na lamang ang mahimo gamiton para sa pagkaon.
Wala na ang mga LGU sang pondo labi na ang La Castellana nga maga salig na lamang sa bulig nga maga gikan sa probinsya.