Notice of increased seismic activity ang gin-issue sang Philippine Institute of Volcanology and Seismology sini nga aga sa bulkan Kanlaon.
Suno sa PHIVOLCS may 81 ka volcano-tectonic ukon VT earthquakes ang na-record sang Kanlaon Volcano Network humalin 12:00 AM sang October 16 ukon subong nga adlaw tubtob kaina las 10 sang aga.
Ang mga VT suno sa PHIVOLCS ang gikan sa rock fracturing processes kag ang pag saka sang VT activity ang naga patimaan sang progressive rock-fracturing sa idalom sang bulkan samtang ang nagasaka nga magma ukon magmatic gas ang naga pangita sang alagyan pasaka.
Ang Volcanic sulfur dioxide ukon SO2gas emissions gikan sa summit crater sang Kanlaon base sa datus kahapon nag average sa 1,879 tonnes/day.
Ini ang malapit sa medium-term average nga 1,830 tonnes/day humalin January 1, 2025.
Suno sa PHIVOLCS ang ini nga mga parameters ang napatimaan sang blockage sang volcanic gas emission ukon closed-system degassing nga mahimo magresulta sa pressurization kag pag habok sang edifice nga sarang mag tuga sang moderately explosive eruption.
Suno kay Ma Antonia Bornas ang chief sang Volcano Monitoring kag Eruption Prediction sang PHIVOLCS ang pagsaka sa VT events sarang man mag padulong sa pag saka sang tyansa sang steam-driven ukon phreatic eruptions ukon malip-ot nga mahina tubtob kasarangan nga explosive eruptions sa summit.
Pwede ini makatuga sang life-threatening volcanic hazards kaangay sang pyroclastic density currents ukon PDCs, ballistic projectiles, ashfall, rockfall kag iban pa.
“Meron pong possibility na mag karon tayo ng event, either explosive eruption or ash emission. Meron lang po tayong forecast, it can happen anytime. Especially dun sa 4km permanent danger zone, dapat po wala pong pumupunta doon. It’s supposed to be an exclusion zone right now, kailangan po, i-observe po iyon”, suno kay Bornas.