Ang Philippine Institute of Volcanology and Seismology ang nag pa gwa sang notice of increased volacanic ash emission sa bulkan Kanlaon.
Humalin las 11:45 Lunes sang aga, may dark ash ang naga gwa gikan sa baba sang bulkan nga may yara sang weak low frequency volcanic earthquake suno sa advisory.
Ini ang nag tuga sang dark plume nga may mga 1.2 kilometers nga kataason kag padulong sa northwest nga direksyon.
Padayon ang ash emission kag gina paabot ang ash fall sa mga komunidad sakop sang Bago kag Murcia suno kay Mari Andylene Quintia ang resident volcanologist sang Phivolcs sa La Carlota nga observatory.
Ang iban nga mga parameters sang bulkan padayon nga mataas pero generally wala sang pag bag-o.
Sa pihak nga bahin, ang kahalitan sa agrikultura, aquaculture kag kasapatan ang nagdangat na sa 32.8 million pesos.
Sa December 19, 11am nga report sang Provincial Disaster Risk Reduction Management Office, 32.3 million pesos ang kahalitan sa pananum, sa aquaculture 214,000 pesos kag sa livestock 268,000 pesos.