Bakuna bus sang Philippine Red Cross nagsugod naman kadto sa mga purok sa Bacolod agud mapadasig pa ang vaccination program.
Humalin sang weekend may masobra na sa isa ka gatus ang nakapabakuna sa pag-arangka sang bakuna bus sang Philippine Red Cross Bacolod City Chapter.
Ang Barangay Banago kag public plaza ang pila lang sa mga lugar nga nakadtuan sang bakuna bus.
Suno kay Rita Benita Mirasol, PRC Bacolod Chapter administrator, luyag nila nga malab-ot ang mga residente nga may kabudyalan sa pagkadto sa mga natukod nga vaccination center.
Ini agud man mas mapadasig ang vaccination program sang siudad.
Sa ini nga hapon magadulog man ang bakuna bus sa eroreco subdivision sa Barangay Mandalagan.