Shadow

Philhealth naga duso sang pag-avail sang publiko sang Konsulta Package

Philhealth ang naga duso kag naga haylo sa publiko nga mag avail sang Konsulta Package sini sa idalom sang Universal Health Care Act.

Suno Janimhe Jalbuna ang Head sang Public Affairs Unit sang Philhealth, sarang ma avail ini sang tagsa-tagsa pinaagi sa pag pa register sa ma accreidted Philhealth Konsulta Facility.

Ang Konsulta Package naga lakip sang initial kag follow-up primary care consultation, health screening kag assessment kag access sa selected nga mga diagnostic services kag bulong.

Sa Western Visayas may 156 ka healthcare institutions ang na accredit.

As of October 31, naman, may 160 ka Konsulta Package Providers sa rehiyon.

Sa Negros Occidental may 34, may mga pending approval pa. Suno kay Jalbuna, 72 ang target nga ma accredit para sa Negros Occidental.

Kabahin sang pag pangapin sang ikaayong lawas, mas maayo suno sa Philhealth nga mag avail sang Konsulta services.

Samtang, nag pirmahanay man ang Philhealth kag LGU sang Bacolod kaina para sa 330 million pesos nga pondo nga pag gamiton para sa Konsulta program.

Ang Bacolod ang pinaka una nga LGU nga tigayon nakalagda sang kasugtanan sa Philhealth.

Secured By miniOrangeSecured By miniOrange