Ginbuno sang lalaki sa dughan kag malapit sa li-og ang iya live-in partner, nga nagresulta sa kamatayon sang biktima sa San Lorenzo, Barangay Tangub sa Bacolod City.
Ang biktima nga si alyas “Erica”, 30-anyos, nadala pa sa ospital apang siya ang nagtaliwan.
Naga-inom-inom ang biktima kag ang suspek nga si alyas “Larry”, 39-anyos sa sulod sang ila ginarentahan nga kwarto sang nabatian sang ila mga boardmates nga may komosyon sa sulod.
Nag gwa ang biktima nga duguon kag ginatabunan ang igo sang buno sa iya dughan.
Ginsiling ni Police Capt. Sherwin Galupar, hepe sang Police Station 8 nga may indi pag-intiendihanay ang mag-partner, nga nagresulta sa ila away, tubtob nga nabun-an ang biktima.
Ginpaidalum na sa autopsy ang bangkay sang babaye.
Samtang ang suspek, nga miyembro sang isa ka banda, ang gindakop sang kapulisan.*
[sibwp_form id=1]