Madayon sa gihapon ang Panay-Guimaras-Negros Bridgeproposal. Samtang, may unsolicited proposal naman para sa Bacolod Silay Airport.
Suno kay Governor Eugenio Jose Lascon, sa ila nga pagsapol sa Regional Advisory Committee sang Regional Development Council kaina sang aga paagi sa Zoom, natalakay ang PGN Bridge proposal nga suno sa update ang on schedule.
Magluwas sa issue sang isa ka bidder nga naga alegar nga may gina paboran nga bidder tayuyon ang lakat sang amo nga proposalsuno sa gobernador.
Gina paabot nga malubad ang amo nga issue suno kay Lacson.
Ang construction sang 189.53 billion Panay-Guimaras-Negros Island Bridges Project ang gina paabot magasugod sa 2025, suno sa damlag pa statement nga gin pa gwa sang National Economic and Development Authority 6.
Samtang, suno sa gobernador, may yara sang unsolicited proposal para sa Bacolod-Silay Airport suno sa Department of Transportation.
Wala man sang lubos nga impormasyon sa karon, ang gobernador bahin sa unod sang amo nga proposal,pero iya gina lauman nga maduso man ang improvement para sa airport.
Damlag pa ginaduso ang pag extend sang airport runway kasubong man ang pag expand sang terminal sini bilang kabahin sa ginalauman nga improvement sa Bacolod Silay Airport.
“There is an unsolicited proposal. I think we will just need to push our district representatives. In this case also the Office of Congressman Kiko Benitez, who was also present, represented, also brought up that issue of the airport”, suno kay Lacson.