Ginsiling ni Bacolod Traffic Authority Office Head P/Maj. Junji Liba nga wala pa sang kasiguradohan kun may personnel gid man sang BTAO nga nagbaton sang bayad gikan sa nadakpan nga rider.
Suno sa iya, iya na nga ginpatudlo sa mga tagreklamo kun sino man ang nagbaton sang ila bayad apang wala sila sang may makilala sa mga BTAO personnel.
Dugang sang BTAO head, liwat niya ipatawag ang duha ka rider kag pamangkuton kun sin-o gid ang nagbaton sang ila kwarta.
Nag-alegar ang rider nga nag-negosyar sila sa personnel sang BTAO nga maghatag nalang sang 1,500 pesos kabaylo sang pagkuha sang ila motorsiklo nga indi na maglabay sa cashier kag wala sang resibo.
Bisan indi pa sigurado nga may natabo gid man nga bayranay, ginpasiguro ni Liba nga manabat ang natungdan kun mapamatud-an ang ini nga alegasyon.
Ginpaandaman man sini ang iban pa nga mga personnel sang BTAO.
Ginpasiguro man sini nga ang BTAO wala naga-tolerate sang mga modus ukon korapsyon sa iya liderato.
Damlag pa ini ang rason sang pag sulong ni Councilor Al Victor Espino sa ila nga talatapan kag gin halinan sang alegasyon sang pagpamahog sang konsehal nga may dala nga pusil.
Pero suno sa kay Espino nakahibalo siya nga gun ban period na gani indi matuod nga may gina taklos siya nga pusil pagsulod sa ila opisina.