Sa meeting sang mga miembro sang Grupo Progreso sang biyernes ginpahibalo si Bacolod City Councilor Al Victor Espino ni Mayor Evelio Leonardia nga nadula na ang pag salig sa iya sang alkalde.
Ini ang iya ginpahayag sa iya pag atubang sa media subong nga adlaw.
Suno kay Espino ang gin hatag nga rason sang alkalde amo ang iya nga konkesyon kay Albee Benitez nga damlag pa nagpa butyag na sang iya intensyon nga magpa pili bilang alkalde sang Bacolod kag maga bunggo kay Leonardia.
Ini ang rason kun ngaa nag walk out sa meeting si Espino.
Gina ako sang konsehal nga humalin sadto mag abyan na sila ni Benitez pero nagapabilin siya nga loyal nga miyembro sang Grupo Progreso.
Sa subong gina paiway anay ni Espino ang iya plano nga magpa pili liwat bilang konsehal pero kun ma agda gid man sa kampo no Benitez, luyag niya anay pamatian kun ano ang mangin plano sini para sa siudad sang Bacolod.
Humalin 1998 kaalyado na ni Leonardia si Espino gani naga pasalamat siya nga personal man siya nga gin prangka sang alkalde sa iya nga kahibubut-on.