Suno kay Negros Oriental IATF ground commander Dr Liland Estacion, ila gina monitor karon ang isa ka babayi sa Tanjay City nga nag positibo sa Covid-19.
Naka upod suno kay Estacion sang babayi sa eroplano ang isa ka pasahero nga nag positibo sa Delta variant.
Nag ayo na sa Covid-19 ang babayi sa Tanjay kag indi Delta variant ang nakalatun sa iya suno kay estacion pero padayon lang sa karon ang ila nga monitoring sa sini nga pasyente.
Padayon naman ang pag nubo sang Covid-19 cases sa probinsya matapos mag record kahapon sang 193 ka new recoveries ang Negros Oriental kag 80 ka bag-o nga Covid-19 case.
Yara na lang karon sa 721 ang active cases sang Covid-19 sa probinsya.
Samtang, ang Negros Occidental ang may dugang naman kahapon nga 87 ka bago nga kaso kag 51 naman sa Bacolod City.
1,613 ang active cases sa Negros Occidental samtang, 1,398 naman ang sa Bacolod City.