Isa sa luyag nga mahatagan man sang probinsya sang atensyon amo ang permanent relocation sa mga pumuluyo sakop sang 6 kilometer danger zone.
Suno kay Provincial Administrator Rayfrando Diaz willing kag handa ang probinsya sa pag bulig sa mga apekatado nga LGU bahin sa relocation sang ila nga mga pumuluyo nga sakop indi lamang sang 4 kilometer permanent danger zone.
Kinahanglan nga mangin disaster resilient kag indi man pwede suno kay Diaz nga kada may paglupok sang Kanlaon amo man ang pag evacuate sang pmuluyo nga apektado.
Nagakaigo nga mangita sang permanent relocation.
Maayo man kun masunod sang La Castellana kag La Carlota ang ehemplo sang Bago City nga pagtukod sang Payag sang kapag-on suno sa iya.
Samtang, wala man sang announcement bahin sa dugang nga bulig gikan sa Malacanang, handa ang probinsya nga mag gamit sang 2025 Quick Response Fund sini kun maubos na ang damlag 50 million pesos nga ginrelease sang Malacanang.
Mahimo man nga apektado ang releasing sang ginapatuman nga COMELEC banning suno kay Diaz.
Sa pihak nga bahin padayon ang ayuda sa mga apektado.
Sa record sang Department of Health, sa April 9 and 10 sini nga consultation may lima ka acute respiratory infection nga suno kay Adrian Hort Ramos ang head sang Bacolod and Negros Occidental DOH Office mahimo epekto sang ashfall.
May paghilanat man pero pwede man ini nga dala na sang kambyo klima.
May 32 ka consultation sa other diseases nga gin-report sa naga pang edaron 5 years old pasaka kag tatlo naman ka consultation sa below 5.