Ginpahayag ni labor lawyer kag human rights advocate Atty. Luke Espiritu nga kadam-an sa katapo sang kongreso kag senado ang indi magsuporta sa ginaduso nga Anti-Dynasty Bill nga nagahatag kahigayunan sa mga political leaders nga malawig na nga nagapungko sa pwesto kaupod ang pila sa ila mga katapo sang pamilya.
Gani kun matagaan siya sang kahigayunan sa iya liwat nga pagpapili bilang senatorial candidate, ginapaabot niya ang isa ka people’s movement nga amo ang magaduso kag magapilit sa katapo sang kongreso kag senado nga ipasar na ang laye.
Nagapati ang Bacolodnon nga senatorial candidate nga ang pag-dominate sang political dynasties sa pungsod kabangdanan kun ngaa mabudlay mapasar bisan ang mga ginaduso nga saka sa sweldo, opportunidad sa trabaho kag iban pa.
Si Espiritu ang kabahin sang alyansa sang mga independent candidates nga naga-suporta sa nagkalain-lain nga adbokasiya halin sa labor related issues, women empowerment, human rights kag pagpalambo sang edukasyon kag ekonomiya sa pungsod.