Gikan sa San Sebastian Cathedral, nag martsa ang mga katapo sang civil society groups, Church leaders, workers, youth kag fisher folk padulong sa Kapitolyo probinsyal.
Ang People’s March for Environmental Justice naga tuyo sa pag tib-ong sang luyag nga mga aksyon nga ipatuman sa mga issue nga naga lakip sang konplikto sa duta, coastal kag offshore mining, fossil fuel dependence kag kakulang sa transparency sa sa provincial decision making.
Pag abot sa Kapitolyo sila ang personal nga gin abi-abi ni Provincial Administrator Rayfrando Diaz bilang tal-os ni Negros Occidental Governor Eugenio Jose Lacson.
Ila gin-submit kay Diaz ang People’s Environment Agenda nga naga unod sang ila nga panawagan sa probinsya. Ini ang ginlagdaan sang 32 ka mga grupo.
Nalakip sa ila ginaduso ang pag ban sa offshore mining kag destructive dredging kag pag pangapin sa small fisherfolks kag pag preserve sang 15 km municipal waters.
Yara man ang panawagan para sa just energy transition kag pag phase out sang fossil fuel dependence,
Pag pangapin sang biodiversity kag indigenous land ilabi na ang naga katabo karon sa palm oil plantation sa Candoni.
Ginpatpat naman ni Diaz ang sa karon mga programa sang gobyerno probinsyal nga naga pangapin sa palibot nga naga lakip sang pag reforest sa mga kadutaan kaangay sa Tambara sa Talisay kag ang palaabuton nga proyekto sakop sang Kanlaon, pag bakal sang first to sixth falls sa Mambukal para ma preserve ini pati na ang water systems.
Bahin sa energy side ginsiling ni Diaz mangin solar powered ang mga building sang kapitolyo probinsyal.