Bangud indi normal ang aktibidades sang Bulkan Kanlaon, ginpaidalom ini sa alert level 1 sang Philippine Institute of Volcanology and Seismology ukon PHIVOLCS. Indi maka sulod sa 4 kilometer nga permanent danger zone ukon sa apat ka kilometro nga radius halin sa crater sang bulkan.
Pero suno sa kay Engr.Joan Nathaniel Gerangaya, ang Provincial Environment and Natural Resources Officer sang Negros Occidental may mga iligal sa gihapon nga naga sulod malapit sa crater sang bulkan. Ini base man sa mga impormasyon nga naga lab-ot sa ila. Ang iban sa kagab-ihan naga saka sa bulkan.
Suno kay Gerangaya tuyo nila nga irekta na lang pa detain ang madakpan sa akto nga nagsulod sa permanent danger zone.
Dugang pa ni Gerangaya ang malain pa kay may naga sulod man nga impormasyon nga gina kunsabo pa sang ilegal hikers nga guide nga deputized sang DENR. Masami ang gina rason kay tungod sang kapigaduhon.
Suno kay Gerangaya mahimo man kasuhan kag indi na pag ideputize ang madakpan nga naga guide sa ilegal hikers.
Masami sa guintubdan naga agi saka ang mga ilikal hikers kag manaug sa wasay sa Murcia. Ang iban naga pa kuno kuno nga naga camping sa Guintubdan kag pagka kagab-ihon na masaka pakadto sa danger zone.
Dugang pa ni Gerangaya nga kun tani tandaan man sang hikers nga ang permanent danger zone ang ginbutang bilang pangapin man sa publiko bangud indi normal ang gina pakita nga aktibidades sang Bulkan Kanlaon.