Provincial Disaster Risk Reduction Managment Council sa karon ang yara sa heightened alert angut sa posible epekto sang Tropical Depression Isang.
Ang siudad sang Sipalay ang nag cancel sang face to face classes sini nga adlaw kag ang Hinoba-an nag cancel man sang klase sining Biyernes sang hapon.
Suno kay Dionilo Bogtae ang DRRMO coordinator sang Sipalay City, nagbunok ang ulan sa Sipalay City sang kaagahon rason nga gin-cancel na lang ang klase.
Padayon ang monitoring sa mga waterways sang siudad.
Nangin mabunok man ang ulan sa Hinoba-an. Kay nakapadulong na sa eskwelahan ang mga kabataan, ginpakamaayo nga sa hapon na lamang ipatuman ang pag suspend sang klase suno kay Mayor Daph Reliquias.
Suno kay Irene Bel Plotena ang pamuno sang PDRRMO naka heightened alert sila.
Magal-umon nga kalangitan kag may yara sang pagtupa sang ulan sa northern Negros, sa ila nga monitoring.
Sa central Negros naman, mabunok ang ulan sa Hinigaran kag Pontevedra.
Gina paabot ang pag ulan sa gihapon sa southern Negros.