Ipaidalom sa Blue Alert Status ang Provincial Disaster Risk Reduction and Management Command kag ang Operation Center sa pagsaulog sang Panaad sa Negros Festival.
Sa memorandum damlag pa nga gin pa gwa ni Negros Occidental Governor Eugenio Jose Lacson, naka saad ang pagpaidalom sa Blue Alert Status sang PDRRMc kag Operation Center sumugod Abril 17 tubtob 23.
Ginapaabot ang pagpakigbahin sang mga bisita kag turista sa liwat nga pagbaliksang tuigan nga selebrasyon kun sa diin sarang ma eksperiensyaang kultura sang Negrosanon.
Sa memorandum sang gobernador nga gin pa gwa damlag pa, isa ka Incident Management Team ang iga deploy sa amo nga Festival of Festivals.
Ang mga City kag municipal DRRMO naman ang gina haylo nga mag plaster sang ila nga mga responders sa ilatagsa ka area.
Samtang, naka schedule naman ang pre-pageant activities para sa 27 ka mga maga pakig bahin sa Lin-ay sang Negros.
May press presentation kag talent competition sa Abril 14, las 4 sang hapon sa Ayala Malls Captiol Central.
Sa Abril 16 naman natalana ang Festival Costume.
Ang coronation night natalana sa Abril 21 sa Panaad Stadium.