Naka red alert sa karon ang Provincial Disaster Risk Reduction and Management Council kag ang Emergency Operations Center para sa Bagyo Basyang.
Suno kay Negros Occidental Governor Eugenio Jose Lacson sumugod las cinco Miyerkules sang hapon ang pag paidalom sa red alert status kag maga pabilin tubtob nga mag ayo na ang panahon.
Ginapaabot nga magadala sang kasubong nga pagbubo sang ulan ang bagyo Basyang sa ulan nga gindala sang shearline sang weekend suno kay Lacson, gani maayo nga ang tanan mag handa kag mag pangaman.
Ang northern Negros ang ginbaha sa pagbubo sang ulan sang weekend kasubong man ang Bacolod City.
Biyernes naman ginapaabot ang landfall sang bagyo sa Negros.
Sa pag paidalom sa red alert ang mga clusters sa camp coordination kag camp management, food and non-food items, logistics, search, rescue and retrieval, health, law and order, clearing and civil works kag education ang gina-activate.
Naga laum ang gobernador nga maghinay ang bagyo pero sa gihapon dapat maghanda ang tanan.
Naga panugyan ang gobernador sa publiko nga mag aligmat kag mag monitor sa balita sa panahon kag mag sunod sa abiso ukon panugyan sang otoridad.
Yara na sa tagsa ka alkalde ang pag mando sang pre-emptive evacuation suno kay Lacson.*
[sibwp_form id=1]