Partido Demokratiko Pilipino ang naga patigayon sa karon sang consultation sa posible pag field nila sang kandidato para sa 2025 elections.
Ini suno kay Atty Jesus Hinlo, ang Negros Occidental Council President sang PDP nga nagsiling nga kun makit-an nila nga may yara sang panawagan, sila ang maga field sang ila nga kandidato. Gina tun-an nila ang posibilidad sang pag field kay anay Victorias City Mayor Francis Frederick Palanca bilang governor sa 2025 elections. Ini kasunod man sang report nga nabaton nila nga may yara sang mga dissatisfied sa kay Negros Occidental Governor Eugenio Jose Lacson. Klaro ni Hinlo nga kun nakit-an lamang nila nga kinahanglan, amo ang pag duso nila sang ila nga kandidato. Bukas naman ang vice governorship.
“Open pa kami sa vice governor, ang sa governor under study pa. We will be doing consultation. For governor we are thinking either, we will support Bong Lacson, or if there’s a clamour that people want an alternative, we are thinking of fielding Mayor Wantan for governor. It’s not yet final because we are doing consultations”, suno kay Hinlo.
Para naman kay Governor Eugenio Jose Lacson, bukas siya sa kun sin-o man ang posible nga mangin kasumpong sa 2025 elections, indi man siya suno sa iya sarang maka pili sang iya mangin kasumpong sa pulitika.
“We cannot be choosing our opponents. PDP of course is trying to prepare already for 2028 so they need to have their own officials to try to win the next mid-term election”, suno kay Lacson.
Sa Bacolod naman, sa mayoralty kag congressional race, suno kay Hinlo, ila pa ini nga ginatun-an kun bala mag tuga sila sang alliance ukon maga duso sang ila nga ka partido. Ang kapartido nila nga si anay Hinoba-an Mayor Ernesto Estrao ang kumbinsido nga mag papili bilang Congressman sang 6th District, kag ang negosyante nga si Jurry Nabaja bilang mayor naman sa Cauayan suno kay Hinlo.
Chairperson sang PDP si anay President Rodrigo Duterte.