Bwas maga sapul ang Provincial Disaster Management Program Division (PDMPD) sang Negros Occidental kag ang Philippine Institute of Volcanology and Seismology (Phivolcs) para maistiryahan ang sitwasyon sa subong sang bulkan Kanlaon kag para sa pre disaster risk assessment.
Suno sa pamuno sang PDMPD nga si Zeaphard Caelian, mando ini sang Department of the Interior and Local Government kag gusto nila nga maka preparar ang tanan nga mga local government units sa palibot sang bulkan.
Dugang pa ni Caelian, wala sang may matabo nga evacuation sa alert level 1, sa alert level 3 na naga evacuate.
Ginsiling sang Phivolcs sa PDMPD nga maga pabilin sa Alert level 1 sa gihapon ang bulkan Kanlaon.
Sa report ng Phivolcs subong nga adlaw, may 15 na mga volcanic quakes sa sulod sang bulkan sa sulod sang 24 oras nga monitoring. May pamamaga sa gihapon sa sulod sang bulkan kag manipis lang ang aso nga naga gwa sa bulkan.
Suno sa Phivolcs mga sinyales ini sang posible nga phreatic eruption sa bulkan.
Ang phreatic eruption ang pagbuga sang steam sang bulkan.
Suno sa Phivolcs wala sang dapat na kakulbaan ang publiko kag dapat wala may naga sulod sa 4 kilometer permanent danger zone.
Indi man pwede maka lupad malapit sa crater ang ano man nga aircraft.