Target sang Philippine Drug Enforcement Agency nga sa sini nga tuig maga lab-ot sa katunga sa kadamuon sang mga barangay sa Negros Occidental ang mangin drug-cleared barangays.
Suno kay Nicolas Gomez ang provincial director sang PDEA as of April 21, 249 ang drug-cleared barangays, kag may treses nga iga deliberate sa Mayo 26.
Suno kay Gomez, ang probinsya ang may pinaka nubo nga accomplishment, kun ipaanggid sa iban nga probinsya sa Western Visayas.
Pero klaro niya indi nagakaigo nga i-kumparar ang negros occidental sa iban nga probinsya bangud nga ini ang may dose ka siudad kag 19 ka mga banwa.
Tuman ang pagpanghangkat suno sa iya sa isa ka siudad nga ma deklarar nga drug cleared. Ang Iloilo province suno sa iya isa lamang ang siudad – ang Passi City.
Sang 2019 suno kay Gomez, sang siya ang na-assign sa Negros Occidental 2 digit lamang ang drug cleared barangays sa probinsya.
Maayo na ang 249 sa 601 ka mga barangay nga nakabig karon nga drug cleared. Kun mahimo 70 percent sa 601 ang matigayon declare nga drug cleared.