Provincial Director sang Negros Occidental PNP ang maga tapos na sang iya nga tour of duty kag gina paabot ang iya nga pag saylo sa mas mataas nga position.
Sa liderato ni Pamittan nangin Best Provincial Police Office sa pungsod sang 2023 ang Negros Occidental PNP. Suno kay Governor Eugenio Jose Lacson, ini mismo ang naga pakita sang nangin performance sang PNP. Dugang pa sang gobernador, ang pagpanghangkat sa magabulos kay Pamittan amo nga matupungan ini ukon malapawan pa ang performance.
Nag sugod bilang NOCPPO director si Pamittan sadtong Enero 2022. Sang Hwebes nag patuman sang New Year’s call ang Negros Occidental PNP sa gobernador. Wala pa man napat-od kun sin-o ang maga tal-os kay Pamittan pero pasalig ni Lacson nga hatagan sang probinsya sang kasubong nga suporta ang mangin bag-o nga PNP provincial director.