Magatalana sang Quick Response Teams ang tagsa ka mga sub-station sang Philippine Coast Guard sa mga ports pati na sa mga beaches kag resorts nga masami ginadagsa sang tawo kada Semana Santa.
Kabahin ini sang pagpabaskog sang monitoring kag seguridad sang publiko sa Oplan Semana Santa humalin Abril 11 asta 17.
Gani ginmanduan na ni Commander Joe Luviz Mercurio sang PCG Northern Negros ang mga personnel sa tagsa ka mga sub station nga mangin alerto.
Sa idalom sang heightened alert, ginsugdan naman sang Coast Guard ang pag inspeksyon sa mga isla kag pag usisa kun may naka-deploy nga safety and security personnel sa mga resort sang probinsya.
Nangabay man ang Coast Guard sa mga shipping company kag marina angut sa hugot nga pagpatuman sang minimum health protocol sa pagdumdom sang okasyon.