Isa ka manifesto of full support ang gin pa gwa sang Philippine Chamber of Commerce and Industry – Visayas para sa Negros Island Region.
Ini sa ginpatigayon nga 33rd Visayas Area Business Conference sa Iloilo City sang Biyernes.
Ginpasalamatan ni Edward Du Presidente sang Negros Oriental Chamber of Commerce and Industry ang amo nga suporta sang PCCI Visayas nga gina pamunuan ni Melanie Ng.
Nakasaad sa manifesto nga ang PCCI Visayas ang aktibo nga maga promote sang investment opportunities sa NIR labi na ang public private partnerships.
Ang pag tin-ad para sa kabug-usan sang Visayas.
Gina haylo man ang business chambers sang bag-o nga rehiyon nga magtukod sang separado nga NIR business chamber.
Si Victorias City Mayor Javier Miguel Benitez ang nag deliver sang keynote speech sa closing sang amo nga pagtililipon.
Iya gin patpat ang importante nga papel sang mga local government units bahin sa pag suporta sang mga negosyo ano man kadaku sini.
Nagpanawagan man siya sang sahi sang pagpamuno nga nabase sa impormasyon kag datus agudto tigayon makabuhat sang informed decision nga maka benepisyo sa komunidad.