Presidente Ferdinand Marcos, Jr ang gina paabot sa Bacolod City sini nga Biyernes.
Samtang, ginpatigayon kaina sang aga ang 2nd Bacolod Flood Mitigation Summit.
Ginsiling ni Bacolod Representative Albee Benitez kaina sang aga nga siya ang naka baton sang text message nga naga siling nga si Presidente Marcos ang maga abot sa Bacolod sa Biyernes para mag inspect sang Oplan Kontra Baha nga clearing sa mga creeks kag drainage.
Siya ang paga updan ni DPWH Sec Vince Dizon base sa announcement man nga ginhimo sini.
Sa 2nd Bacolod Flood Mitigation Summit naman nga ginpatigayon kaina sang aga gin-outline ni Benitez ang mga lalab-uton.
Suno sa iya ang paglubad sang madugay na nga problema sang pagbaha sa siudad indi choice kundi labing kinahanglanon para sa isa ka siudad nga naga tin-ad kag isa ka forward looking city.
Kinahanglanon sang consistency para sa sini nga tinutuyo suno sa iya.
Dugang pa ni Benitez, ang masterplan nga pormahon ang mangin blueprint sang Bacolod sa pag-atubang sang dugay na nga problema sa pagbaha.
Madamo nga stakeholders halin sa national government agencies, civil society groups, kag mga Bacolodnon mismo ang kinahanglan nga maghugpong.
Gin tukod man ang isa ka technical working group nga magahimo sang white paper nga mangin una nga draft sang Flood Mitigation Masterplan.
Dugang pa ni Benitez wala sang isa ka proyekto, isa ka ahensya, ukon isa ka indibidwal nga makasolbar sang problema sa baha.
Kinahanglan ang engineering, science, maayo nga pag pagplano, pagpatuman sang layi, disiplina sang mga pumuluyo, kag liderato*