Sa Hwebes, Marso 19, na kuntani ipatuman ang saka sa plete sa mga depasahero nga mga salakyan nga nagalakip sang mga jeep kag taxi.
Ini matapos gin aprubahan sang Department of Transportation kag Land Transportation Franchising and Regulatory Board ang saka sa plete.
Ugaling sini nga hapon sa isa ka video, gin anunsyo ni Presidente Ferdinand Marcos, Jr., nga indi pagdayunon ang saka sa plete.
Iya ginpaathag nga indi ini ang panahon para sa saka sa plete samtang may gamo pa sa Middle East. Suno sa president, suspendido anay ang saka sa plete kay kinahanglan sang mga commuters kag sang mga estudyante sang bulig.
Indi man kuno dapat magkabalaka ang transport workers kay ginapadali na kag dugangan ang suporta sa transport sector. Suguran naman ang libre sakay sa bilog nga Pilipinas.
May discount man nga ihatag sa MRT, LRT pati na sa mga toll road.
Dugang pa niya ginatinghuaan sang gobyerno nga mapagamay lang ang mangin epekto sang gamo sa middle east sa mga ordinaryo nga pumuluyo.
Subong man nga adlaw nagpagwa na kuntani sang bag-o nga taripa ang Vallacar Transit para sa biyahe sang Ceres Bus. Bwas man kuntani pasakaan ang plete sa mga modern kag traditional jeepney pati na taxi.
Kahapon ang pag anunsyo sang saka sa plete gin sugata man sang aksyon protesta sang drivers kay para sa ila indi sabat sa problema sa presyo sang produkto petrolyo ang saka sa plete.*
[sibwp_form id=1]