Gin mando ni President Ferdinand Marcos Jr sa Department of Agriculture Western Visayas ang pag test sang mga baboy sa mga breeding site sa rehiyon.
Ini sa tinutuyo nga ma control ang pag lapta sang African Swine Fever.
Ang direktiba kasunod sang situation briefing sang DA Western Visayas sang Domingo kun sa diin ginreport ang ASF cases sa Iloilo.
Suno kay Dr Placeda Lemana, ang OIC-Provincial Veterinarian sila ang nagahulat sang instruction sang Regional Regulatory Division angut diri.
Pero pila sa mga gina patuman na nga daan sang probinsya amo ang pagkuha sang 446 ka sample gikan sa tagsa ka banwa kag siudad sa Negros Occidental bilang kabahin sang requirement sa mga naga pa gwa sang baboy sa iban nga probinysya. Suno kay Lemana ang sampling kabahin sa ginahinyo agudto ma certify nga ASF free ang Negros Occidental.
“Ang program ni nga surveillance, nationwide ni siya. Kita diri sa province naga submit man gid kita sang samples sa Animal Health Division sang Bureau of Animal Industry as part of the surveillance. What we did is all the commercial farms here sa Negros, nagakuha kita samples kag gina submit naton sa BAI, at the same sa backyard naton ni nagakuha kita samples, 446 samples per LGU. Gina submit naton sa Manila kay requirement na siya sa shipment sang aton animals outside the province”, suno kay Lemana.
Pila sa tikang nga napatuman amo ang pag dumili sang pagsulod sang baboy kag pork products sa probinsya gikan sa mga lugar nga may ASF cases.
Suno kay Lemana may posibilidad nga maka transmit sang ASF sa iban nga baboy ang lamok nga maka kagat sang baboy nga infected sang ASF.
Suno sa presidente ini ang isa man sa pag panghangkat nga gina atubang sa pagpamatuk sa ASF.